சோடசாம்சம் என்பதற்கு காலாம்சம் என்றும் நிருபாம்சம் என்ற பெயர்களும் உண்டு.

காலாம்சம் என்பதற்கு வளர்பிறை சந்திரனின் 16 விதமான நிலைகளைக் குறிக்கும்.

மனமகிழ்ச்சியை குறிக்கும் கிரகம் சந்திரனே.

ஒருவரது வாழ்வில் – சுக போகத்திற்குத் தேவையான வீட்டு உபயோகப் பொருட்களால் ஏற்படும் மனமகிழ்ச்சி, சந்தோஷம் மற்றும் பலவற்றை சொல்வது.

மன மகிழ்ச்சிக்கு – சந்திரன்.

சுக போகங்கள் – தனம் – நிம்மதிக்கு காரகர் – குரு.

வாகன காரகன் – சுக்கிரன். மகிழ்ச்சி, இன்பம், செல்வத்திற்கு காரகர்.

ஆக சுக்கிரன் மற்றும் குரு ஆகிய இருவரும் முக்கிய காரகர்கள் என அறியவேண்டும். 

இவர்களின் வழியாக இவ்வுலகம், சுகபோகங்களையும், மகிழ்ச்சியையும், ஆடம்பர பொருட்களையும் பெற்று வாழ்வது.

பாவம்: 4- ஆம் பாவம்.

4-ஆம் பாவத்திற்கு 11-ம் பாவம் இரண்டாமிடமாகும். 

இரண்டாமிடம் மூலமாக குடும்பத்திற்கான வரவு, வாகனங்கள் மூலமான லாபம், செல்வம் ஆகியவற்றைக் குறிக்கும்.

4-ஆம் இடத்திற்கு 6-ம் இடம் 9-ம் இடமாகும். இந்த ஒன்பதாம் இடம் போட்டி, பகை போன்றவற்றை தெரிவிக்கும்.

லக்னம் பலமாக இருந்தால் – லக்னத்திற்கு 7-ம் இடமும் பலமும் பெற்றிருந்தால் ஜாதகர் வாகனங்களை பெற்றிருப்பார். லக்கினம் மட்டும் பலம் பெற்றிருந்தால், ஜாதகர் தனது சுய சேவைக்காக வாகனங்களைப் பயன்படுத்துவார். 7-ம் இடம் பலம் பெற்றால், வணிகத்திற்காக வாகனத்தைப் பயன் படுத்துவார்கள்.

4-ஆம் இடத்திற்கு 12-ம் இடம் – மூன்றாமிடம். இதன் மூலம் வாகனங்க்கள் ஒப்பந்தம் மூலம் கிடைக்குமா ? வாகனம் ஒப்பந்தம் மூலம் பிறருக்கு கொடுக்கப்படுமா ? என்பதனையும் அறியலாம்.

4-ஆம் இடத்திற்கு 2-ம் இடமான ஐந்தாம் இடத்தைக் கொண்டு பரம்பரைச் சொத்து பற்றி அறியலாம்.

ஆக ஜாதகரின் மகிழ்ச்சிக்கான – செல்வம் – பரம்பரை சொத்து – வாகன வருமானம் – பயன்பாடு ஆகியவற்றை அறிய சோடசாம்சம் படுகிறது.

சோடசாம்சம் என்பது 30 டிகிரி கொண்ட ஒரு ராசியை 16 பிரிவுகளாக பிரித்து அமைக்கப் படுகின்றது. ஒரு பிரிவு 1 டிகிரி 52 கலை ஆகும் [ 1.52 டிகிரி ]

ராசி சக்கரத்தில் 12 ராசிகளில் ….

1. சர ராசியில் இருக்கும் கோள்கள் – மேஷத்திலிருந்தும்

2. ஸ்திர ராசியில் இருக்கும் கோள்கள் – சிம்மத்திலிருந்தும்

3. உபய ராசியில் இருக்கும் கோள்கள் – தனுசுவிலிருந்தும் தொடங்கி வரிசையாக அமையும்.

ராசி சக்கரம் ஆய்வு செய்தல்:

லக்னம் – கடகம். குருவின் நட்சத்திரத்தில் – புனர்பூசம் 4ல். 

லக்னத்தின் 9-ஆம் அதிபதியான குரு , லக்னத்தில் சுயசாரம் பெற்று லக்னமாக உள்ளது. ஆக, குரு, சந்திரன் இரு கோள்களின் தன்மைகள் தான் வாழ் நாள் முழுவதும் எதிரொலிக்கும். கடக அதிபதியான சந்திரன் (வளர்பிறை) திக்பலம் பெற்று 4-ல் செவ்வாயின் நட்சத்திரத்தில். குருவும் சந்திரனும் ஒருவருக்கொருவர் கேந்திரத்தில் அமைந்துள்ளனர். எனவே கஜகேசரி யோகம் அமைந்துள்ளது. சந்திரனுக்கு வீடு கொடுத்தவரான சுக்கிரன் தன் வீட்டில் ஆட்சி பலத்துடன் உள்ளார். [ கடகத்திற்கு லாபஸ்தானம் மற்றும் பாதகஸ்தானம் ] 

சுக்கிரன் வாகனங்களுக்கு காரகர். சுக்கிரன் ரோஹிணி நட்சத்திரத்தில். குரு, சுக்கிரன், சந்திரன் மூவருமே பலம் பெற்றுள்ளதால் ஜாதகர் இயற்கையிலே அதாவது பிறந்தது முதலே செல்வந்தர்.

12-ல் சூரியன் ராகு சாரம் பெற்று உள்ளார். சூரியனுக்கு நேர் 7-ல் உள்ள சனி பகவான் சூரியன் சாரம் பெற்று உள்ளார். பகை பெற்ற கிரகங்கள சமசப்தமாக பார்த்துக் கொள்வதால் , இவரது தந்தையுடன் பலவித விரும்பத் தகாத கருத்து வேற்றுமைகள் இருக்கும். 

சோடசாம்சத்தில் – லக்னம் ராசி சக்கரத்தின் லாபஸ்தானமான 11ம் வீடு. 

சோடாம்ச லக்னத்தின் 4-ஆம் அதிபதியான சூரியன் லக்னத்தில். லக்னத்திற்கு 11-ம் அதிபதியான குருவும் லக்னத்தில். ஆக, குரு – சூரியன் இணைவு பெற்றுள்ளனர். 

ரிஷப லக்னத்தின் யோக காரகர் சனி பார்வை பெற்று அமைந்துள்ளதால் அனைத்துவித வசதி வாய்ப்புகள் செல்வங்கள் அனைத்தையும் சிறப்பாக அனுபவித்து வருகிறார்.

சோடசாம்ச லக்னாதிபதி சுக்கிரன் 2-ல் அமர்ந்துள்ளதால் செல்வ வளம், வருமானம் ஆகியவை குறைவில்லாமல் வந்து கொண்டிருப்பதை காட்டுகிறது.

4-ஆம் வீட்டு அதிபதியே லக்னத்தில் இருப்பதும், லக்னாதிபதி சுக்கிரனுக்கு வீடு கொடுத்த புதன் 4-ஆம் வீட்டை பார்ப்பதும் நல்ல பெரிய பூர்வீக வீட்டில், சகல சௌகரியங்களுடன் வாழ்ந்து வருவதைக் காட்டுகிறது.